FRANZ GUNNARSSSON SKRIFAR LEIKJARÝNI

 

Resistance leikurinn var einn af stóru titlunum sem playstation 3 eigendur fengu að smakka á þegar tölvan kom á markað og þótti ansi góður biti. Þar segir frá faraldrinum Chimera sem þekur jörð- ina á fjórða áratugnum og þurftu spilarar að taka á honum stóra sínum til að stýra sögupersónunni Nathan Hale og skjóta ógrynni af alls kyns vættum sem fylgdu faraldrinum ásamt verum úr öðru sólkerfi.

Ísland í aðalhlutverki

Í Resistance 2 heldur söguþráðurinn áfram og hefst baráttan á Íslandi eða nánar tiltekið á Hólum. Landslagið er kunnuglegt og gott ef ég heyrði ekki búta úr íslenska þjóðsöngnum óma í bakgrunnstónlistinni. Nathan Hale er snúinn aftur og hefur veiran leikið hann grátt því kappinn er hægt og rólega að breytast í óvætt sjálfur. Honum er haldið í skefjum með sprautum, sem hann fær frá vísindamönnum bandaríkjahers sem fá hann til liðs við sig.

   Í grunninn er leikurinn fyrstu persónu skotleikur með djúpum sögu- þræði, sem ég fer ekki nánar út í enda engin ástæða að skemma fyrir leikmönnum.

Stór, stærri, stærstur
Framleiðendur leiksins hafa greinilega viljað hafa hann íburðameiri en þann fyrri því leikurinn státar af stærsta skrímsli sem nokkur leikmaður hefur þurft að kljást við og þá erum við að tala um kvikindi á stærð við skýja- kljúf. Þetta gerir leikinn mjög dramatískan og sýnir að framleið- endur eru byrjaðir að teygja út möguleika playstation 3 tölvunnar.

Sniðugir óvinir með betri vopn
Gervigreindin hefur verið bætt ásamt grafíkinni og iðar nú leikurinn af lífi, andstæðingar eru sniðugir og vinna meira saman til að reyna kála þér. Vopnin eru margskonar og hafa öll tvo eiginleika í bardögum, sem koma sér vel fyrir leikmenn. Gott er að velja vopnin vel því þau nýtast misvel.

 

Fjöldabardagar og fjöldaspilun
Nathan Hale fær oft aðstoð frá hermönnum og ekki veitir af þegar sjón- varpsskjárinn er hreinlega morandi af óvinum. Samvinna er lykillinn og svo spillir ekki fyrir, að 32 spilarar geta barist á netinu. Það lengir líftím- ann á leiknum svo um munar.

 

Framhald, eða hvað?
Resistance 2 er alveg þrælskemmtilegur og naut ég þess að spila hann. Söguþráðurinn kemur á óvart og þá sérstaklega endirinn sem lætur góðar Hollywood myndir líta illa út. Resistance 2 er tilvalinn fyrir skotglaða spil- ara og þá sérstaklega ef þeir vilja skjóta í tætlur óvætti á okkar ástækra landi.

 

TIL BAKA