Einhverjir urðu til að benda honum á að risaveldið, sem stæði á bak við Ticket- master, væri í vinahópi forsetans og hefði rennt háum fjárhæðum í kosningasjóð Obama.

   Springsteen kvaðst standa jafnt að vígi hvað það snerti og minnti á að hann hafi stutt Obama dyggilega á opinberum vettvangi. Veggspjöldum með þeim tveimur hafi verið dreift út um allar trissur og hann hafði verið beðinn um að koma fram í gaddinum úti fyrir þinghúsinu þegar innsetningarathöfnin fór fram.

Áróðursveggspjald fyrir forsetaframboð Obama. Ekki vont að vera vinur aðal ef að hákarlarnir ætla að vera með stæla.

Áður en til þess kom að bankað væri upp á í Hvíta húsinu og spurt eftir Obama höfðu miðasalarnir séð að sér og beðist opinberlega afsökunar. Kölluðu þetta mistök. Það hefði verið vel meint að gefa miðakaupendum kost á að skipta við fleiri miðasölur en Ticketmaster. Fæstum þótti það hins vegar góður kostur að miðar sem áttu að kosta frá 99 dollurum kostuðu í endursölu hundruðir dollara og þeir í bestu sætin kostuðu allt í einu þúsundir dollara.

  Ticketmaster lokaði loks á síðu sinni öllum tenglum inn á aðrar miðasölur. Annars gengur þetta gjarnan þannig fyrir sig í henni Ameríku, að miðasala, eins og Ticketmaster í þessu tilviki, kaupir alla miðanana af hljómleikahaldaranum og ber síðan alla ábyrgð á miðasölunni. Fyrir miðahrúguna á alla tónleika Bruce Springsteen, um fimmtíu talsins, höfðu þeir greitt jafnvirði 30 milljarða íslenskra króna. Áhættan engin því að það hefur ekki gerst síðan á síðustu öld að ekki væri uppselt á tónleika með The Boss.

   Það tikkar síðan hratt þegar hægt er að svindla hressilega á miðas ölunni.

ÓVÆGINN BOSS

Bruce Springsteen sendi enga hljómplötu frá sér í fyrra en árið á undan voru þær tvær. Um sumarið kom út hljóðritun frá hljómleikum hans í Dublin og mátulega fyrir jólavertíðina kom svo út platan Magic. Sallafínn gripur.

   Nýja platan, Working On A Dream, er sú tuttugasta og fjórða í röðinni. Springsteen segist ekki hafa verið fyrr búinn að ljúka gerð Magic en hann var byrjaður að semja fyrir þá næstu.

    „Það voru hafðar hraðar hendur við alla gerð nýju plötunnar,” segir Bossinn. „Ég samdi lögin með hraði og þau voru æfð og hljóðrituð með látum. Við notuðum yfirleitt fjórðu eða fimmtu upptöku og vorum ekkert að dedúa við eitt né neitt. Við vildum hafa plötuna hráa og heillandi á þann hátt. Tónsmíðarnar og upptökurnar fóru fram í örstuttum hléum sem gáfust á hljómleikaferð okkar í fyrra og oft vorum við útkeyrðir eftir tónleika, en fórum samt í hljóðver ef það hafði verið planið. Eftir á held ég að þetta hafi gert okkur strákunum gott. Haldið okkur ferskum allan túrinn.”

   Platan var hljóðblönduð í Atlanta, en hljóðrituð bæði á austur- og vesturströndinni.

   Hann er harður þessi Boss.

    Hér fyrir neðan flytur Bruce Springsteen eitt af lögunum á nýju plötunni. Life Itself heitir það.

TIL BAKA