Tónlist | Dægurlög | 07. jan 2009 23:48

LJÚFASTA BERNSKUMINNING BALDVINS JÓNSSONAR

Vídeó dagsins sýnir rúmlega sex mínútna langa fréttafrásögn síðan 1965 þar sem gerð er grein fyrir hljómleik- um the Kinks í Reykjavík. Baldvin Jónsson, sem þá var enn innan við tvítugt, hafði í einhverri rælni tekið upp á því að semja við bresku hljómsveitina um að koma hingað til hljómleikahalds. Þegar svo leið að Íslandsferðinni hálfu ári síðar gerðist það að nýtt lag frá hljómsveitinni skaust upp í fyrsta vinsældalistans í Bretlandi og víðar. Það var lagið You Really Got Me .

 

Umboðsmenn hljómsveitarinnar gerði allt til að losna undan samningunum um að koma fram í Austurbæjarbíói til að geta þegið boð um hljómleikahald á mikið stærri hljómleikastöðum. En Baldvin gaf sig ekki og hér fylltu the Kinks bíósalinn við Snorrabraut í tvígang.

 

PABBI GEKKST Í ÁBYRGÐ

„Gjaldreysimálin voru snúin á þessum tíma og ég var ekki einu sinni með banka- reikning og varð að fá pabba til að gangast í ábyrgð. Ekki gat ég fegnið lán og varð því að selja miða í forsölu til að standa klár á kaupinu þeirra,” sagði Baldvin Jónsson þegar Samúel spurði hann hvað kæmi fyrst upp í huga hans þegar hann væri minntur á þetta uppátæki hans fyrir 43 árum.

 

GÍTAR, BASSI OG TROMMA ...

„Þá finnst mér það merkilegt, þegar ég lít til baka, hvað það þurfti lítið af hljóð- færum og umstangi til að halda tónleika miðað við í dag,” bætti hann við. Enda var það nú svo, að hann gat leyft sér að vera með tvenna tónleika sama daginn, klukkan sjö og ellefu.

   „Við færðum bara til hliðar trommusettið og þá fáu hátalara sem stóðu á sviðinu til að hægt væri að vera með bíósýningu klukkan níu, en það hefði verið full dýrt að kaupa hana út. Svo var græjunum bara ýtt inn á svið aftur fyrir seinni tónleik- ana. Núna eru þyngdin á hljómflutningstækjunum talin talin í tonnum.”

 

ÓTRÚLEGAR TEKJUR

- Græddir þú ekki feitt á þessum tónleikum, Baldvin?

„Jú, það voru ótrúlegar tekjur sem höfðust upp úr þessu öllu og ekkert nema sælar minningar. Tónleikahaldið með Kinks er eitt af skemmtilegustu atvikum í mínu lífi og er samt af mörgu að taka,” viðurkennir Baldvin fúslega.

   The Kinks gistu á Hótel Borg og héldu sig mest innan dyra enda hótelið um- kringt æstum aðdáendum. Notaði Ray Davies tímann vel til tónsmíða og er m.a. grunaður um að hafa lagt hér drög að laginu I’m On an Island, sem kom síðar út á plötu með the Kinks.

 

ENN Í DAG TREKKIR RAY DAVIES VEL AÐ

The Kinks átti ríkan þátt í Bresku innrásinni svokölluðu, þegar breskar rokksveitir lögðu rokkheiminn að fótum sér á 7. áratugnum, og ruddu um leið brautina fyrir aðrar rokksveitir, gjarnan í harðari kantinum, en You Really Got Me hefur stund- um verið sagt fyrsta þungarokkslagið, jafnvel fyrsta pönklagið.

   Hljómsveitin átti stöðugu fylgi að fagna í hartnær tvo áratugi, einkum í Banda- ríkjunum þar sem vinsældir sveitarinnar urðu jafnvel enn meiri en í Evrópu. The Kinks var innvígð í Frægðarhöll rokksins – Rock and Roll Hall of Fame – árið 1990 og hefur Ray Davies átti góðu gengi að fagna sem sólólistamaður, leikari, söngleikjahöfundur og sjónvarps- og kvikmyndatónskáld síðustu áratugi.

 

Farðu inn á skemmtilega heimasíðu Ray Davies með því að SMELLA HÉR

 

Á vídeói dagsins má sjá upphitunarhljómsveitirnar tvær, Bravó frá Akureyri og Tempó, en síðan flytja the Kinks lagið You Really Got Me. SMELLA HÉR

 

TIL BAKA