Samútgáfan tók sig til árið 1985 og hóf útgáfu tímarits undir nafninu LÚXUS. Lífsstílsblað sem m út um skeið og fjallaði um það besta, fallegasta og ljúfasta, sem ritstjórunum Þórarni Jóni Magnússyni og Unni Steinsson kom í hug. Milli jóla og nýjárs á fyrsta útgáfuári var sextán fall- egustu stúlkum landsins boðið í hanastél á Hótel Holti og þar völdu þær kynþokka- fyllstu karlmenn landsins það árið. Herra Samúel 1977 kom ekki til umræða, hann ber vitaskuld óumdeilanlega titilinn Kyn- þokkafyllsti karlmaður Íslands fyrr og síðar.

 

Hugmyndin kom upp við vinnslu næsta tölu- blaðs á undan, sem var jólablað. Hafði þá kom upp sú staða þegar blaðið var tilbúið til prentunar, að Hófí var kosin Miss World. Það þótti ótækt að vera ekki með hana á forsíðu strax á jólablaðinu í stað þess að bíða með það fram í febrúar.

 

UNGFRÚ SKANDINAVÍA VARÐ AÐ VÍKJA

Hvað var fyrir á forsíðunni? Glæsileg mynd af Sif Sigfúsdóttur sem var þá nýkjörin Ungfrú Skandinavíu. Brugðið var á það ráð, að hafa forsíðuna tvöfalda í brotinu. Hófí á forsíðu og Sif á innábrotinu. Það var sem sé offramboð af íslenskum fegurðardrottningum á heims- vísu þá stundina.

   En þá var sem sé spurt; hvaða karlmenn eru það sem eru flottastir á þessu landi? Til að svara þeirri spurningu var efnt til hana- stélsins á Holti. Vegna jólaleyfa voru óvenju margar fegurðardísanna á landinu, en þær voru eðlilega á þönum um heiminn þveran og endilangan. Ýmist til að sinna skildum sinum sem fegurðardrottningar eða sitja fyrir í ljós- myndatökum, en flestar voru þær starfandi fyrir Módel 79 og eftirsóttar fyrirsætur inn- anlands og utan. Nöfn stúlknanna og helstu titla eru birtir í eindálkinum hér til vinstri, en snúum okkur nú að því að rifja upp hvaða karlmenn þeim leist best á. Þess má geta, að blaðamaðurinn, sem vann samantektina fyrir Lúxus, heitir Rósa Guðbjartsdóttir, núveradi bæjarfulltrúi í Hafnarfirði og varaþingmaður.

 

STUÐMENN ALLTAF VINSÆLIR

Stúlkunum voru afhentir atkvæðaseðlar þar sem minnt var á þrettán starfsg reinar en topparnir komu úr dansi, íþróttum, tónlist, stjórnmálum, sýningarbransanum, fjölmiðlum, kaupmennsku og af ritvellinum.

  Þegar spurt var um dansara hlaut  Einar Sveinsson í Íslenska dansflokknum flest atkvæði.

   Egill Ólafsson Stuðmaður fékk flest atkvæði tónlistarmanna og lagasmiða. Aðrir tónlistarmenn sem hlutu atkvæði voru Jakob Frímann Magnússon, Sverrir Guðjónsson, Richard Scobie, Dagur Hilmarsson, Kjartan Ólafsson, Sigurður Gröndal og Einar Jóhannesson.

   Þorgrímur Þráinsson hlaut flest atkvæði íþróttamanna, en Örnólfur Valdimarsson og Kristján Harðarson komust líka á blað auk Ásgeirs Sigurvinssonar, Ásmundar Þórðarsonar og Unnars Valdimarssonar.

     Stefán Örn Sigurðsson   í Módel 79 þótti myndarlegasti strákurinn í sýningar- bransanum. Næstur á eftir h onum að vinsæ ldum kom Viktor Urbancic.

 

FLOTTUSTU PÓLITKUSARNIR Í SAMA FLOKKI

Í stjórnmálaheiminum virtust allir flottustu pólitíkusarnir vera í Sjálfstæðisflokknum. Karlmenn í öðrum flokkum komust a.m.k. ekki á blað. Sá myndarlegasti að dómi matsnefndar var Friðrik Sóphusson , sem þá var varaformaður flokksins, en sá sem kom næst honum var formaður flokksins, Þorsteinn Pálsson. Í þriðja sæti á listanum var Þór Sigfússon, sem þá var formaður Heimdallar, og er núverandi formaður Samtaka atvinulífsins. Í hópi fegursta kvenna landsins leyndust líka stúlkur sem fannst Davíð Oddsson borgarstjóri svolítið sætur.

   Pétur Gunnarsson var eini rithöfundurinn sem komst á blað. Punktur og basta.

   Páll Magnusson  núverandi útvarpsstjóri RUV þótti flottasti fjölmiðlamaðurinn á þessum tíma, en meðal annarrra fjölmiðlamanna hlutu atkvæði þeir Einar Sigurðs- son sjónvarpsfréttamaður og nafni hans, Einar Örn Stefánsson, Páll Þorsteinsson og Ögmundur Jónasson.

   Sigurður Gísli Pálmason í Hagkaupum hlaut flest atkvæði verslunarmanna, en næstur að atkvæðum kom Sævar Baldursson í Plaza og einnig hlaut Bolli Kristins- son í 17 atkvæði.

 

ÞRÍR MYNDLISTARMENN JAFNIR AÐ STIGUM

Þrír sjarmerandi myndlistarmenn, af þeim sjö sem hlutu atkvæði, reyndust vera jafnir að atkvæðum í fyrsta sæti. Það voru þeir  Egill Eðvarðsson, Gunnar Örn  og  Ágúst Baldursson .

   Sæmundur Norðfjörð varð atkvæðahæstur þegar spurt var um leikara, en aðrir leikarar sem fegurðardísirnar sögðu búa yfir sjarma voru Arnar Jónsson, Magnús Ragnar, Sigurður Sigurjónsson, Kristján Franklín, Guðjón Petersen og Jóhann Sigurðsson.