Óttuðust dyggir lesendur Samúels að efni um húsverk og barnauppeldi kæmi í stað efnis um útstáelsi og babes. Og myndasyrpur af flottum bílum og mótorhjólum vikju fyrir kynningu á heimilistækjum. En óttinn var ástæðulaus, ritstjórastóllinn var ekki gefinn eftir og öllum áskorunum kvenfólksins á Samútgáfunni um að sá siður yrði aflagður að skarta beru kvenfólki á forsíðu og litopnu var hafnað með þeim rökum að á tímariti sem svona mikið af kvenfólki  starfaði að yrði það efni að skipa sinn sess.

   Á myndinni hér fyrir ofan sést aðeins hluti starsliðsins á Samútgáfunni sem kom að útgáfunni um þessar mundir. Skvísurnar heita Helga Möller, Margrét Haraldsdóttir, Pálína Vagnsdóttir, Sigríður Friðjónsdóttir, Andrína Jónsdóttir og Bryndís Kristjáns- dóttir.

   Þegar myndin var tekin voru að minnsta kosti fimm konur til viðbótar að störfum fyrir Sam, allar að skrifa í nóveberblaðið, þær Elín Albertsdóttir, Margrét Þ. Þórs- dóttir, Rósa Guðbjartsdóttir, Bergljót Davíðsdóttir og Auður Haralds. Þórarinn Jón Magnússon situr sem fastast í ritstjórastólnum.

  Ókei, þó það spilli ötrlítið myndinni sem Samúel er að gefa með þessum skrifum, skal það viðurkennt, að Helga var auglýsingastjóri Húsa & Híbýla, Pálína var á sím- anum og Sigríður vann við tölvusetningu Samúels - og hinna tímaritanna sem Sam gaf út. En það breytir ekki þeirri staðrend, að á kreditlista Samúels voru um þessar mundir töluvert fleiri kvenmannsnöfn en karla.

TIL BAKA