Efnt var til Hollywood-keppninnar að frumkvæði Samúels árið 1979. Auður E. Guðmundsdóttir hlaut titilinn Ungfrú Hollywood og fékk að launum lúxusferð til Hollywood í Kaliforníu. Árið eftir veittu lesendur Samúels Valgerði Gunnarsdóttur titilinn og voru verðlaunin þá orðin enn veglegri vegna þeirrar athygli sem keppn- in hafði náð að vekja. Auk þess að fá afhentan farrseðil til Ibiza ók Valgerður heim eftir krýninguna á glænýjum, loga- gylltum Mitsubishi Colt.

 

 

 

 

 

 

 

 

 

 

 

MEÐ COLTINN UPPÁ HILLU

„Ég átti bílinn í rúmlega fjögur ár og var hæstánægð með hann,” rifjaði Valgerður upp í samtali við Samúel fyrir skemmstu.

   „Er raunar enn með einn Colt á heimilinu í dag. Hann er uppi á hillu. Ég fékk nefnilega að eiga gyllta leikfangabílinn sem var nákvæm eftirmynd verðla unabílsins. Líkanið notaði hönnuður skreytinganna á Coltinum til að máta skreytingarnar á.”

 

DROTTNINGIN Á ÓLAFSVÍK

Valgerður átti heima í foreldrahúsum í Hafnafirði þegar hún var kjörin Ungfrú Hollywood. Hún segist hafa misst talsvert úr námi meðan á keppnishaldinu stóð fram eftir vetriAð keppni lokinni hafi hún því ákveðið að fara bara að vinna en taka svo þráðinn uipp að nýju um haustið og þá var námið tekið föstum tökum.

   Vorið eftir kláraði hún svo stúdentspróf og um haustið flutti hún ásamt kærasta sínum til Ólafsvíkur. Kærastinn, Stefán Snær Konráðs- son, fékk vinnu við íþróttakennslu og þjálfun og Valgerður fékk við vinnu í Lands- bankaútibúinu á staðnum.

   „Jú, jú, það vakti heilmikla athygli að Ungfrú Hollywood væri sest að í Ólafsvík. Fólk horfði heilmikið á mig. En það vandist. Eins gott, því maður var innilokaður í snjó út mest allan veturinn þarna. En ég kunni vel við mig á Ólafsvík og hefði vel getað hugsað mér að vera þar tvö ár í viðbót,” segir Valgerður. En hún og Stefán fluttu aftur suður eftir eitt ár og þá fór hún að vinna í SPRON. Í dag vinnur er hún farin að vinna hjá Landsbankanum á nýjan leik.

 

FYRSTA HOLLYWOOD-DROTTNINGIN TIL AÐ VERÐA MÓÐIR

Þegar Samúel tékkaði á henni fyrir réttum aldarfjórðungi var hún önnum kafin við að gera í stand nýja þriggja herberga íbúð sem hún og Stebbi hennar höfðu fest kaup á í Garðabæ. Þau voru þá komin með fyrsta barnið. Hálfs árs gamla dóttur sem skrýkti af kæti í fanginu á móður sinni þegar ljósmyndarinn Samúel upp myndavélinni.

    Það var hins vegar ekki við það komandi að ljósmynda hana eða tvítuga systir hennar í tilefni af þessari upprifjun Samúels. Þið verðið því bara að hafa orð Samúels fyrir því að þær eru bráðfallegar báðar tvær – enda hafa báðar verið beðnar um að taka þátt í Fegurðarsamkeppni Íslands. Sú eldri varð raunar við þeirri bón en systurna eru sammála um að þar hafi punkturinn verið settur aftan við feril heimilisfólksins í samkeppnum. Ekki vitum við hvort sautján ára bróðir þeirra hafði atkvæðisrétt í þeirri ákvörðunartöku.

 

SÖNGLEIKUR UM VALGERÐI Í ÞJÓÐLEIKHÚSINU

Samúel spurði Valgerði að því hvort hún hafi séð söngleikinn um hana í Þjóð- leikhúsinu, en söngleikurinn Ástin er diskó, lífið er pönk fjallar um það þegar Ungfrú Hollywood fer á nýja verðlaunabílnum sínum frá Heklu niður í bæ og kynnist þar pönkara. Jú, Valgerður hafði farið og séð verkið ásamt dæturum sínum og þær allar skemmt sér hið besta. „Mér fannst pönkinu að vísu gert hærra undir höfði en það átti skilið. Í minningunni voru pönkararnir fámennur hópur sérvitringa á meðan diskóið var alls ráðandi,” sagði Valgerður.

 

HINAR STELPURNAR Í HOLLYWOOD-KEPPNINNI 1980

Hún segir að lengi vel hafi þær vinkonurnar úr keppninni verið í góðu sambandi og þær Björk, Bryndís, Heiða og Unndís hafi hist nokkuð reglulega. Núna segist hún oftast hitta systurnar Unndísi og Heiðrúnu, en þær eigi heima á næstu grösum.

   Valgerður segist aðeins eiga skemmtilegar minningar frá Hollywood-árunum. „Ég man ekki eftir neinu öðru en skemmtilegheitum í sambandi við keppnina og allt það sem henni fylgdi,” sagði Hollywood-drottningin 1980 að lokum. 

 

TIL BAKA