Lífsstíll | DVD | 27. des 2010 07:49

HÁTÍÐARVÍNIÐ

Sölustjóri Cap D'Or gaf Eddu og Karli tækifæri til að bragða á 14 víntegundum fyrirækisins. Smelltu á myndirnar til að stækka þær. Ljósm.: ÞJM/SAM

Hvítvínið sem vinningshafarnir mæltu sérstaklega með.

MEÐ LJÓSU KJÖTI OG FISKI

Auxerrois: Hér er rétta hvítvínið með ýmsum fiskréttum og svo ljósu kjöti eins og fugla- og svínakjöti. Auxerrois er ljós- sítrónugult á lit. Létt fylling, hálfþurrt, fersk sýra. Ananas og apríkósa. Afar skemmtilegt hvítvín.

MEÐ FEITUM SJÁVARRÉTTUM

Cep D´or Riesling: Þurrt með góða sýru, ljós ávöxtur, sítrus og epli. Hentar einstaklega vel með feitum sjávarréttum.

Edda og Karl gæða sér á kræklingi sem soðinn var í Riesling á veitingastað Caves Gales.

Dreypt á freyðivíni í hliðum Móseldalsins þar sem vínviðurinn stendur í röðum meðfram. Kassastrimill úr Vínbúð kom þeim Karli og Eddu í þessa huggulega vínsmökkunarferð um Luxembourg. Samúel ráðleggur þeim sem kaupa vín frá Lux að geyma kassakvittanirnar því flogið hefur fyrir, að efnt verði til annars leiks á þessu ári á vegum Létt & Gott / Lögg ehf.

Á FORSÍÐU

Hjónin Karl H. Hillers varðstjóri hjá Tollgæslunni í Leifsstöð og Edda Guðmundsdóttir skrifstofumaður hjá Gigtarfélagi Íslands hrepptu aðal vinninginn í happdrætti innflutnings- fyrirtækisins Létt & Gott / Lögg ehf, sem Samúel sagði frá í sumar. Vinningurinn var fyrir tvo til Luxembourg ásamt einka leiðsögumanni í vínsmökkunarferð um Móseldalinn.

Heimsóttu þau þrjá vinframleiðendur og þótti Samúel forvitnilegt að heyra hvað af þeim vínum sem þau smökkuðu þau mæltu með fyrir áramótaveislurnar. Það stóð ekki á svörum, enda voru þau iðin við að skrifa hjá sér punkta í ferðinni.

Hótelið sem gist var á stendur við brú yfir Mósel. Tíu mínútna gangur yfir brúnna og þú ert í Þýskalandi. Vinningshafarnir Edda og Karl t.v. og víninnflytjendurnir, Hjördís og Pétur tl hægri. Í baksýn er Eymar, blm. frá Gestgjafanum.

„Okkur hafði lengi dreymt um að komast í vínsmökkunarferð af þessu tagi, en aldrei látið verða af því. Það var því mikið gleðiefni þegar Pétur hjá Létt & Gott /Lögg hringdi til okkar og tilkynnti okkur um vinninginn."

Karl kvað eiginkonnu sína hafa kvatt til þess að hann sendi kassastrimilinn frá Vínbúðinni í keppnina þegar hún tók eftir að hann hafði keypt vín frá Luxembourg. Það var allt og sumt sem þau þurftu að gera. Senda inn strimilinn ásamt nafni og símanúmeri.

Marc Gales, forstjóri Caves Gales, tók á móti verðlaunahöfunum. Það er að verða heil öld frá því langafi hans, Nicolas Gales, réðist í víngerð í Luxembourg. Að hluta til er vínið geymt á eikartunnum í djúpum hellum, en Gales færir sér einnig í nyt nútímalegustu framleiðslu- og geymsluaðferðir eins og sjá má á myndinni.

Vínsmökkunarferðin var farin í haust og stóð hún í fjóra daga og voru þrír vínframleiðendur heimsóttir. Voru þau afar ánægð með móttökurnar og leiðsögn þeirra hjóna Péturs og Hjördísar hjá Létt & Gott / Lögg. „Indælis hjón sem stóðu afar vel að öllu og gerðu það að verkum að ferðin á eftir að verða okkur ógleymanleg," segir Karl. „Það var ákaflega skemmtilegt að fá að fræðast um allt það ferli sem liggur að baki einni flösku af víni allt frá ræktun vínviðarins og til átöppunar."

Þrjátíu aukavinningar voru einnig í boði og eru nöfn vinningshafa á heimasíðu fyrir- tækisins. Þú getur líka séð nöfnin með því að smella HÉR. Hlýtur hver vinningshafi flösku af Luxemborgarvíni.

Rauðvínið og freyðivínið frá Luxembourg sem vinningshafaranir mæla með.

Hér er lýst rauvíni og freyðivíni sem þau Karl og Edda smökkuðu í Lux og hrifust af.

LAMBAKJÖT OG REYKT KJÖT

Vinsmoselle - Pinot Noir Rough:

Þó að Luxembourg sé einkum rómað fyrir hvítvínið eru margar góðar rauðvínstegundir í boði frá vínbændum þar. Þetta er tvímæla- laust eitt af þeim bestu. Það er þurrt, fersk sýra, lítil tannín. Berjaríkt vín þar sem meðal annars má finna jarðarber, ögn laufkennt. Hentar vel með lambi og reyktu kjöti.

FORDRYKKUR OG TÆKIFÆRISVÍN

Cremant Poll-Faba ire Cuvee Brut: Létt fylling, þurrt og f ersk t. Sítrus, pera og melóna í bragði. Hentar vel sem fordrykkur eða sem tækifærisvín. Cremant er það samheiti sem Luxembourg notar yfir freyðivín líkt og Frakkar um kampavín, sem er þeirra freyðivín.

LJÓSMYNDIR

SNILLDARVERK

Samúel leggur sig fram um að kynna á síðum sínum áhuga- verða ljósmyndara. Helgin er framundan, taktu þér tíma, smelltu á fyrirsögnina eða á MENNINGUNA í bláa borðanum efst á síðunni og skoðaðu hvert listaverkið á fætur öðru.

HEIMSMYND 2009

350 tilvísanir á spennandi efni

Smelltu á fyrirsögnina til að sjá tengla HEIMSMYNDAR inn á fjölbreytt efni frá því í fyrra. Tónlistarvídeó, grín, flottar píur, fréttaskýringar, listrænar ljós- myndir, bílar, frægt fólk, furðufréttir og minningar frá gömlu góðu dögunum.

TÓNLEIKAR

STÓRSTJARNA

Ferill Elvis Costello spannar óhemju víðan völl, svo sem djass, nútímaklassík, hrátt rokk og búggí. Hann er á sextugsaldri en eldhress og nú er komið að íslenskum aðdáendum að njóta nærveru hans, nánar tiltekið á hljómleikum í Hörpu 10. júní. Smelltu á fyrir- sögnina og kynntu þér ferilinn.