FRANZ GUNNARSSON SKRIFAR UM TÖL VULEIKI

 

Það er alltaf gaman þegar góðar leikjahugmyndir verða að frábærum tölvuleikjum því oft vill verða að framleiðendur leikja ná ekki að yfirfæra góðar hugmyndir í vöru sem sátt er um. Dead Space er leikur sem uppfyllir allar kröfur og kemur sterkur inn í jólaútgáfuna.

 

Leikurinn hefst á því að aðal söguhetjan vaknar á sjúkradeild í fangelsi eftir að hafa legið í dái eftir mikla sprengingu sem varð í enda fyrri leiksins. Verið er að taka umbúðirnar af söguhetjunni og hefst þá einn fídusinn í leiknum sem er að hanna útlit og hreyfingar karaktersins. Þegar því er lokið fær hann aðstoð samfanga við að brjótast út úr fangelsinu og er það einskonar æfing á stjórnun karaktersins í leiknum. Strax er hoppað í djúpu hasar laugina því þeir þurfa að skjóta sér leið í gegnum aragrúa af laganna vörðum og má segja að adrenalínið hefjist strax og hættir ekki fyrr en leiknum er lokið.

   Leikurinn gerist í stórborginni Stillwater og þarf aðal söguhetjan að berjast til vegs og virðingar og ná 3rd street Saints klíkunni saman aftur og yfirráðum í borginni sem hefur fallið í skaut óvina. Af nógu er að taka því þrjár aðrar klíkur ásamt Ultor samsteypunni bítast um völdin.
  

Stillwater er full af lífi og það nóg um að vera. Þú getur samhliða verkefnum leiksins spilað alls kyns aukaverkefni svo sem leigumorð, kappakstur, slagsmálaklúbbur, klessubílakeppni og vernd á frægu fólki. Einnig eru ýmiskonar búðir sem hægt er að sækja eins og vínbúðir, tónlistarverslanir, húðflúrstofur, byssu og fatabúðir.
   Verkefnin eru margvísleg en eru öll tengd undirheiminum og ofbeldi. Þrátt fyrir vafasama umgjörð er húmorinn alltaf til staðar og líkt með GTA er útfærslan í ætt við tomma og jenna teiknimyndir já eða itchy og scratchy í simpsons, ofbeldið er svo yfirgengilegt að það er bara fyndið.
   Þegar líður á leikinn og karakterinn hefur byggt upp nóg af virðingu getur hann hóað klíkumeðlimum í lið með sér til að klára verkefnin og er það ansi góður stuðningur. Þegar liðsmenn þínir falla í valinn er hægt að endurlífga þá með vænum bjórsopa.
  Farartækin eru margvísleg í Stillwater og getur leikmaður tekið farartækin ófrjálsri hendi hvort sem um bíla, mótorhjól, báta, þyrlur eða flugvélar er að ræða.
   Tónlistin skipar veigamikinn sess í leiknum en listamenn á borð við Deftones, Run DMC, Duran Duran, Hot Chip, Kasabian og Mozart eru spilaðir á þeim ellefu útvarpsstöðvum sem fyrirfinnast í leiknum inn á milli síbylju blaðurs útvarpsmanna og auglýsinga stöðvanna.
   Leikurinn er ekki gallalaus því á stökum stöðum virðist gervigreindin ekki virka sem skildi en það kemur ekki að sök því skemmtanagildið er allsrqáðandi. Grafík leiksins er sæmileg og hljóðsetningin er frábær.
   Saints Row 2 er alls ekki fyrir unga spilara en þeir sem eru komnir með aldur ættu svo sannarlega að tryggja sér eintak hið fyrsta og demba sér í þennan bráðskemmtilega og fjöruga heim sem einnig býður upp á fjöldaspilun fyrir allt að 12 manns. 

  

Til að sjá annað kynningarmyndband fyrir leikinn SMELLTU HÉR .

 

TIL BAKA