Vídeó: Tíu mínútna viðtal við Clint Eastwood neðst á síðunni.

Clint Eastwood ásamt eiginkonu sinni og tveimur dætrum eftir eftir að hafa veitt heiðursverðlaununum viðtöku í París.

Það hefur aðeins einu sinni gerst áður að athöfn sem þessi fari fram utan sjálfrar hátíðarinnar, sem er jafnan haldin í maí. Það var þegar Ingmar Bergman var heiðraður árið 1997. Þar sem ljóst var að Eastwood yrði upptekinn við kvikmyndatökur í Afríku í maí var þessi undanteking gerð.

FANN MEIRI STUÐNING Í FRAKKLANDI EN BANDARÍKJUNUM

„Ég er afar hrærður,” sagði hinn 78 ára gamli leikari og leikstjóri þegar hann veitti heiðursverðlaununum viðtöku í gær. „Frakkland er fyrrsta landið í heiminum til að viðurkenna kvikmyndagerð sem listform.” Rifjaði hann það upp er hann mætti skjálfandi á beinunum á kvikmyndahátíðina í Cannes árið 1960 með sína fyrstu kvikmynd, kúrekamyndina Hnefafylli af dollurum. „Pínulitla mynd með óþekktum leikstjóra og óþekktum leikara ….sem betur fer stóð það ekki lengi.”

   Með eiginkonu sína og tvær dætur sér við hlið sagði Eastwood í þakkarræðu sinni að hann væri frönskum kvikmyndaiðnaði þakklátur fyrir þann stuðning sem hann hafi veitt honum snemma á ferlinum. Hann hafi ekki alltaf notið sama skilnings í sínu heimalandi, Bandaríkjunum. „Þegar ég hafði leikstýrt minni fyrstu kvikmynd árið 1970, fyrir 39 árum, kvöttu franskir gagnrýnendur mig til að gera það oftar á meðan samlandar mínir voru afar áhugalausir ….. það sögðust allir vera í vafa um það hvort þeim líkaði ver við mig sem leikara en leikstjóra."

Clint Eastwood ásamt Hillary Swank (Million Dollar Baby) og Morgan Freeman, sem er nú að leika undir stjórn Eastwood.

Frumraun hans sem leikstjóra var myndin Play Misty For Me. Kvikmyndirnar sem hann hefur leikstýrt og jafnframt leikið í eru orðnar tuttugu og tvær. Þeirra á meðal eru myndirnar Unforgiven (1992) og Million Dollar Baby (2004), en hann hlaut Óskarsverðlaunin fyrir þær sem leikstjóri auk þess sem myndirnar voru báðar valdar bestu myndir ársins.

   Við verðlaunaafhendinguna í gær sagði Gilles Jacob að í Bandaríkjunum kölluðust verðlaun af þessu tagi a lifetime achievement award. Í Frakklandi þýd di orðið achievement verklok. „En Clint Eastwood er langt frá því að vera hættur. Við viljum kalla þetta Upphafsverðlaun,” sagði sá gamli.

HÆTTUR AÐ LEIKA?

Eastwood er staddur í París til að kynna sína nýjustu kvikmynd, Grand Torino, en sýningar á henni hófust í frönskum kvikmyndahúsum í gær en hér verður hún frumsýnd 6. mars n ig;stkomandi. Eastwood fer með aðalhlut- verkið, aldraðan en grjótharðan Dirty Harry. (Sjá vídeó hér fyrir neðan.) Skrifaði hann að auki handrit myndarinnar og leikstýrði. Hefur Eastwood gefið í skyn að þetta hafi verið hans síðasta kvikmyndahlutverk, en hann hafi hins vegar áhuga á að fást eitthvað áfram við leikstjórn. Um þessar mundir vinnur hann að gerð myndarinnar The Human Factor þar sem Morgan Freeman fer með hlutverk Nelson’s Mandela, en Matt Damon fer þar einnig með stórt hlutverk. Myndin verður frumsýnd í árslok.

TIL BAKA